أحمد سعد: سبت البيت وأنا عندي 15سنة.. وبستغفر للناس في العربية

كشف المطرب أحمد سعد، تفاصيل جديدة عن طفولته، وتركه البيت في سن 15 عاما، وذلك خلال لقاء تلفزيوني.

وقال أحمد سعد: سبت البيت وأنا عندي 15 سنة، اخترت إني عايز أكون مستقل في حياتي ومكنتش بشرب سجاير ولا بعمل أي حاجة في الحياة، وفضلت طول الوقت عايش عشان أثبتلهم أن وجهة نظري صح.

وتابع: طول حياتي بثبت للناس ومفكرتش أثبت لنفسي، وكل الناس في طفولتها بتخرج أنا كنت بروح أشتغل في 4 أماكن ورا بعض وأمسك شنطة الملحن وأعمله شاي عشان أغني وأقول مواويل.

وأضاف: حلمت حلم وأنا عندي 25 سنة وشوفت حاجات عن نفسي غريبة جدا، فيها شخص مختلف تماما شفت أنا فين وممكن أروح فين بعد كده، وصحيت من الحلم ميت من العياط وبسبح كتير، وعندي إحساس دايما وأنا ماشي في العربية بقعد أستغفر لكل الناس.. وأنا متدين ومتصوف بشكل معين.

وعن رأيه في الشهرة، أوضح سعد: مقدرش أعيش من غير الشهرة.. والحاجة الوحيدة اللي آذتني فيها إني مش عارف أكون مع ولادي في الملاهي.